Real Madridi duket se është në kërkim të trajnerit të ardhshëm dhe, sipas raportimeve, po shqyrton disa kandidatë që i ka pasur në listë edhe më parë.

“Los Blancos” nuk kanë konfirmuar nëse Álvaro Arbeloa do të vazhdojë të jetë trajner edhe sezonin e ardhshëm, por thuhet se brenda skuadrës dhe në drejtuesit e klubit kanë nisur të shfaqen dyshime për aftësinë e tij për ta mbajtur këtë post në mënyrë të përhershme.

Trajneri më i lidhur me madrilenët për verën është Jürgen Klopp, megjithatë ka dyshime nëse ai është i gatshëm të dalë nga pensionimi.

Ndërkohë, me këtë post janë lidhur edhe Unai Emery dhe Massimiliano Allegri – ky i fundit kishte qenë kandidat edhe në vitin 2021 për të zëvendësuar Zinedine Zidane.

Një tjetër emër që përmendet është edhe trajneri 54-vjeçar Mauricio Pochettino.

Kontrata e tij përfundon pas Botërorit 2026 këtë verë, ku ai do të drejtojë kombëtaren e SHBA-së.

Ai ka qenë në krye të ekipit për dy vitet e fundit, por ka marrë vlerësime të përziera dhe është lidhur gjithashtu me një rikthim te Tottenhami.

Pochettino ka përvojë në La Liga, pasi u bë i njohur si trajner te Espanyol, ndërsa dy periudhat e tij të fundit te Paris Saint-Germain dhe Chelsea nuk kanë qenë aq të suksesshme