Sipas prokurorisë në Eisenstadt, i dyshuari akuzohet se ka ndërhyrë në produkte të shpërndara në disa vende, ndërsa detaje të tjera mbi identitetin dhe motivet e tij nuk janë bërë publike.

Autoritetet konfirmuan se pesë kavanoza të kontaminuara janë zbuluar në Austri, Republikën Çeke dhe Sllovaki.

Në një prej tyre, një kavanoz 190 gramësh me karrota dhe patate, u gjetën rreth 15 mikrogramë helm për minj.

Një hetim shtesë po zhvillohet për një kavanoz të dytë të dyshuar, ndërsa kompania HiPP theksoi se incidenti nuk lidhet me proceset e saj të prodhimit, por është rezultat i një “ndërhyrjeje të jashtme kriminale”, raporton TCh, transmeton Periskopi.

Kompania bëri të ditur se kishte marrë një e-mail kërcënues javën e kaluar nga personi i dyshuar, duke kërkuar para në këmbim të ndalimit të kontaminimit.

Pas marrjes së mesazhit, HiPP njoftoi menjëherë policinë dhe aktivizoi një ekip të brendshëm për menaxhimin e krizës.

Autoritetet dhe kompania nuk kanë bërë publike kërkesat e sakta të shantazhuesit, ndërsa hetimet vijojnë për të përcaktuar nëse ka produkte të tjera të prekura dhe për të garantuar sigurinë e konsumatorëve./Periskopi

Alarm në Austri: Gjendet helm për minjtë në kavanozin me ushqim për fëmijë HiPP – tërhiqet nga marketet

Kosova pa reagim për skandalin me ushqimin për foshnje HiPP, shtetet e BE’së marrin masa emergjente