Përveç një takimi që ka pasur Albin Kurti kryetar i LVV`së, të hënën me shefin e LDK`së, Lumir Abdixhiku, Kurti nuk ka lëvizur për një takim të ngjashëm edhe me liderin e PDK`së Bedri Hamza.

As në tri ditët e ardhshme, nuk pritet të ketë takim Kurti Hamza për çështjen e Presidentit për arritjen e një marrëveshjeje potenciale duke shmagur kështu zgjedhjet e reja.

Burime të Periskopit kanë thënë se Albin Kurti, në cilësinë e kryeministrit do të udhëtojë për vizitë zyrtare nesër për në Britaninë e Madhe.

“Kryeministri i Kosovës, Albin Kurti nëser 9 prill do të udhëtojë drejt Londrës në një takim zyrtar, ku do të qëndroj deri më 11 prill”, ka thënë një burim i Periskopit brenda Qeverisë së Kosovës.

Kësisoj i bie që edhe në tri ditët e ardhshme nuk do të ketë takim me kryetarin e PDK`së, Bedri Hamza në përpjekje për të gjetur një zgjidhje për Presidentit.

Takimi i fundit i Kurtit me kryetarin e LDK`së Lumir Abdixhiku të hënën që shkoi nuk prodhoi asnjë rezultat konkretë.

Shefi i Qeverisë, njëherit kryetar i Lëvizjes Vetëvendosje Albin Kurti pas takimit tha se për Presidentin duhen më së paku 84 ose 85 numra në Kuvendin e Kosovës.

Përderisa Abdixhiku tha se një parti politike siç është VV nuk mund t`i takojnë tri pozitat kryesore shtetërore, si kryetari i Kuvendit, Kryeministri dhe Presidenti.

Përvçes se deklarimeve publike se do ta takojë shefin e PDK`së Bedri Hamza, Kurti nuk ka bërë asnjë lëvizje në këtë drejtim.

Nga PDK disa herë kanë thënë se para takimit Kurti duhet të nis ftesë zyrtare në adresë të PDK’së me arsyetimin se duhet të mblidhen në organet drejtuese të partisë për ta shqyrtuar krejt këtë situatën me Presidentin dhe takimi kokë me kokë me liderin e VV`së.

Periskopi ka kërkuar nga Qeveria e Kosovës një përgjigje për agjenden ose takimet e Kurtit në këtë qëndrim dy ditore në Londër, por deri në publikimin e këtij tekstit nuk ka marrë përgjigje./Periskopi/

Matoshi: Kurtit i duhet një President pa bosht kurrizor e pa dhëmbë, një butak që mbanë një karrige si marionetë e tij

Përfundon takimi, s’ka marrëveshje Kurti-Abdixhiku

Kurti sërish e përjashton LDK nga kombinimi për President: Na duhen së paku 84 ose 85 vota

Hamza i përgjigjet Kurtit për takim: Duhet ta konkretizoni iniciativën e re, që ta shqyrtojmë në organet e partisë

Haradinaj refuzon takimin me Abdixhikun: S’jam i interesuar për atë që ka folur me Kurtin