Burime pranë zhvillimeve bëjnë të ditur se ndryshimet në krye të federatës mund të sjellin një revolucion edhe në pankinën e “Azzurrëve”, ku Allegri shihet si profili ideal për të rikthyer stabilitetin dhe rezultatet pozitive.

Në të njëjtën kohë, në skenë ka dalë edhe emri i Claudio Ranierit. Trajneri me përvojë mund të ketë një rol të rëndësishëm në strukturën e ekipit përfaqësues, nëse ky skenar bëhet realitet.

Ende nuk ka një vendim përfundimtar, por zhvillimet në ditët në vijim pritet të jenë vendimtare për të ardhmen e stolit të Italisë, teksa federata synon të ndërtojë një projekt të ri dhe konkurrues në arenën ndërkombëtare.