Në grupin e dytë të të akuzuarve për këtë rast, gjykata ka shpallur fajtorë dhe ka dënuar B.R, D.Rr, F.S, M.R dhe M.K, pasi që të njëjtit, veç e veç e kanë kryer veprën penale të dhunimit.

B.R u dënua me 12 vite burgim, D.Rr. me 10 vite burgim, B.S me 10 vite burgim, F.S me 10 vite burgim dhe M.S me 10 vite burgim. Ndërsa për B.S i cili akoma gjendet në arrati, rasti është veçuar.

Avokatja Kimete Krasniqi, e cila në këtë rast ka përfaqësuar viktimën, ka thënë për Klan Kosovën se “për pesë nga të akuzuarit për të cilët lënda u kthye në rigjykim, sot u dha vendimi meritor, përsëri, duke u shpallur fajtorë për veprën që kanë kryer”.

Ajo ka shtuar se të gjitha provat në këtë rast u shqyrtuan dhe trupi gjykues morri vendim meritor edhe për këtë grup, duke u bazuar në të gjitha provat të cilat tregonin qartë se të akuzuarit e kanë kryer veprën penale me të cilën janë ngarkuar.

Në rigjykim ky rast u kthye, pasi që avokatët e palëve të përfshira ankimuan vendimin e Gjykatës Themelore në prill të vitit 2024, duke e quar rastin në Apel.

B.S. i cili aktualisht është në arrati, u dënua me 10 vjet burgim për veprën penale ‘Dhunimi” në këtë rast, në aktgjykimin e Gjytkatës Themelore në Prishtinë, në prill të vitit 2024. Por menjëherë pas shpalljes, ai është arratisur dhe nuk është lajmëruar më, por gjykata e veçoi gjykimin për të, duke mos e lënë pezull aktgjykimin për pjesën tjetër të grupit.

Ndryshe, për rastin e dhunimit të 11-vjeçares akuzohen 13 persona në dy raste të ndara. Lidhur në rastin e përfshirjes në dhunimin e 11-vjeçares në qershor të 2022-ës akuzohen tetë persona B.Rr., D.Rr., G.S., B.S., M.S., F.S., M.R., dhe E.S. Kurse, pesë të akuzuarit: E.R. dhe Sh.K., (madhor), si dhe tre të miturit G.R, G.J dhe Xh.S, akuzohen për përfshirje në rastin e dhunimit të 11-vjeçares, në muajin gusht të vitit 2022