Dardanët do të përballen me Turqinë në finale të “play-off”-it të Botërorit në kërkim të një vendi në Kupën e Botës, që do të ishte pjesëmarrja e parë ndonjëherë, shkruan Express, transmeton Periskopi.

E kur po i afrohemi kësaj loje, është koha për t’i bërë llogaritë.

Faqja “Football Rankings” e ka publikuar probabilitetin e fitores së ekipeve të përballjes së “Fadil Vokrrit”.

Sipas kësaj faqeje, turqit kanë më shumë gjasa për fitore, ndërsa fituesi do të përfundojë në grup me Shtetet e Bashkuara të Amerikës, me Australinë dhe me Paraguain në Grupin D të Botërorit.