Megjithatë, trajneri argjentinas la të hapur mundësinë për rikuperime të rëndësishme në prag të ndeshjes së ardhshme në Ligën e Kampionëve.

Në konferencën për shtyp para ndeshjes, Simeone minimizoi rëndësinë e përballjes taktike me trajnerin e Barcelonës, Hansi Flick.

“Futbolli ka të bëjë me lojtarët, jo me trajnerët. Barcelona ka një stil të qartë loje që nga ardhja e trajnerit të tyre, me linjë të lartë mbrojtëse dhe qasje sulmuese të bazuar në duele. Ne do të vazhdojmë të konkurrojmë me stilin tonë, ashtu siç kemi bërë prej 14 vitesh”, deklaroi Simeone.

Reagime të forta nga Flick, Arbeloa dhe Simeone pas skandalit të thirrjeve islamofobike në stadium

Simeone bëri të ditur se pesë lojtarë nuk do të jenë në dispozicion për këtë sfidë: Rodrigo Mendoza, Pablo Barrios, Jan Oblak, Marc Pubill dhe Johnny Cardoso.

Ai theksoi se të gjithë të dëmtuarit po bëjnë progres të mirë në rikuperim:

Oblak dhe Mendoza pritet të rikthehen në stërvitje me grupin të hënën

Barrios është në përmirësim të vazhdueshëm, Pubill po punon intensivisht për rikthim sa më të shpejtë

Mungesat janë veçanërisht problematike në repartin e mesfushës, përveç të dëmtuarve edhe Marcos Llorente është i pezulluar, duke e lënë Simeonen me opsione të kufizuara.

Aktualisht, Koke dhe Obed Vargas mbeten alternativat e vetme natyrale në këtë repart, ndërsa trajneri mund të detyrohet të improvizojë me lojtarë si Alex Baena ose Thiago Almada.

Në anën pozitive për “Los Rojiblancos”, pritet që disa nga lojtarët kyç të rikthehen në kohë për sfidën e rëndësishme të javës së ardhshme në ‘Camp Nou’.

Oblak, Mendoza dhe potencialisht Pubill mund të jenë të gatshëm për atë përballje.

Ndërkohë, Alexander Sorloth, i cili u kthye nga angazhimet ndërkombëtare me një dëmtim në kokë, pritet të jetë i gatshëm për ndeshjen e fundjavës.

Atletico Madrid synon të mbijetojë këtë përballje të vështirë në kampionat, duke pasur në fokus rikthimin e forcës së plotë për sfidën vendimtare në Evropë.