Sipas të dhënave zyrtare, një kostum hapësinor i gjeneratës së re kushton rreth 100 milionë dollarë për copë, ndërsa zhvillimi total i tyre ka kaluar shifrën prej 1 miliard dollarësh.

Këto kostume, të njohura si xEMU, janë të dizajnuara për misione në Hënë dhe përmbajnë sisteme të avancuara për furnizim me oksigjen, kontroll të temperaturës dhe mbrojtje nga rrezatimi. Për dallim nga kostumet e vjetra, ato ofrojnë më shumë fleksibilitet dhe siguri për astronautët gjatë ecjes në sipërfaqe hënore.

Ekspertët theksojnë se kostoja e lartë lidhet me standardet ekstreme të sigurisë dhe teknologjinë e avancuar që këto “rroba” përmbajnë, duke i bërë ato ndër pajisjet më të shtrenjta që ka prodhuar ndonjëherë industria hapësinore.