Sipas raportimeve, mes të ndaluarve janë disa personazhe të famshëm në Turqi, si ish-presidenti i Beşiktaş, Fikret Orman, ish-presidenti i Galatasaray, Burak Elmas, biznesmenët Hakan Sabancı dhe Kerim Sabancı, aktorja e njohur Hande Erçel, modelja Didem Soydan dhe moderatorja Güzide Duran.

Operacioni u zhvillua në 16 vende në Stamboll, duke çuar në ndalimin e 14 të dyshuarve, ndërsa për dy të tjerë janë lëshuar urdhra arresti.

Në një deklaratë zyrtare të publikuar të mërkurën, Prokuroria e Përgjithshme e Stambollit bëri të ditur se hetimi synon mbrojtjen e moralit publik, strukturës shoqërore dhe rendit familjar.

Sipas deklaratës, urdhrat e ndalimit janë bazuar në prova që tregojnë se të dyshuarit janë gjetur në posedim të lëndëve narkotike për përdorim personal ose të përfshirë në lehtësimin e përdorimit të tyre.

Lëshohet urdhër arrest ndaj Hande Erçel, akuza që rëndon ndaj aktores së famshme turke, bën reagimin e parë publik